АМОРФ
Қарақалпақша
(грек, атогрҳоз — пишинсиз (формасыз)) 1. Дүзилиси кристалл формада болмаған, кристалланбаған.
Аморф углерод.
2. Формасыз, пишинсиз, шөлкемлеспеген, бирикпеген.
Аморф ҳалат.
Аморф тиллер (түбир тиллер) бул типке киретуғын тиллерди ажыратыўшы, онда сөзлер арасындағы байланыс, грамматикалық мәни флексияға ямаса аффикслик тийкарға курылған емес, аффикслери жоқ сөзлер гәп ишинде орын алмасыўы арқалы грамматикалық мәни береди ҳәм гәп мәниси өзгереди.
Демек сөзлердиң грамматикалық байланысын гәпте сөзлердиң орын алмасыўын тәмийинлейди.
Бул тиллерде сөз формасы түбирге тең, сондықтан олар түбир тиллер сыпатында көринеди, онда сөзде, гәпте, пәт ҳәм интонацияның роли күшли.
Бундай тиллерге қытай, тайланд, бирма, тибет тиллери киреди.
Тийкарғы белгилери: сөзлер көбинесе бир буўынлы болып келеди аффикс, флексиялар дерлик жоқ, гәпте сөзлердиң синтаксислик байланысыўы тийкарынан сөз тәртиби ҳәм интонация арқалы әмелге асады.