АҒАБЕГЛЕР
Қарақалпақша
ат. Жасы үлкен, жасы кишилер, хүрметли отағасылар, халайықлар, ел-журтлар, жасы үлкен, жасы киши яр-дослар.
— Әне аға-беглер, ендиги гәп сизлерден (Қ.Аралбаев).
Өзиңизлики болса дейсең, Аға-беглер барып көрсең (Әтеш шайыр).
Аға-беглер, тартса жат журтқа несип, Душпанлар қуўанар көкейин кесип (Бердақ).
Аға-беглер сыртым пүтин, ишим жанып болды түтин, Асырып залым өзиниң хәддин.
Ҳеш бир рәҳим қылған емес (Бердақ).
Аға-беглер тыңдасаң сөз.
Мен сорлыға салыңлар көз, Жигирма тоғыз ҳәм отыз.
Келген, келгинди өмирим (Бердақ).