АҚЫЛ
Қарақалпақша
ат. Даналық, билим, билгендик, ой-сана.
Исенемен илим менен ақылға, Жер жүзинде әжайып ис дөреткен (Ш.Мәмбетмуратов).
Табиғатқа пай бермес, Адамның ақыл-ғайраты (К.Султанов).
0 Ақыл табу — жол табу, шығыс табу, есебин табу.
Ақыл тапқан қиын-қыстаў ўақытта, Мың данаға санады оның бир өзин (Т.Сейтжанов).
Қурзия буған ишинен күйинген менен сыр алдырмай ақыл тапты (М.Дәрибаев).
Ақылы дана — ақылды, дана, билгени, көргени көп.
Сен — көлимсең, мен — бир сона, Күним, ақылы данамсаң, сен, Мениң пушты панамсаң, сен (И.Юсупов).