ф. 1. Жәнжеллесиў, урысыў, мәлеллесиў, кейисиў.
Буны қолға түсириўге екеўи ҳийле ойласып, тап сол үйдиң есигиниң алдында бақырысып, боқласып жүрип қыран кески болып екеўи төбелеседи (С.Мәжитов).
2. Шаўқымласыў, қатты даўыс шығарыў.
Бизлер молланың тезирек кеткенин тилеп, өтирикке көз абай етип қатты бақырысып оқыдық (Ә.Шамуратов).
— Ата, бизлерге газета, хат әкелип тур! — деп изинен бақырысып қалды (Т.Қайыпбергенов).