БӘҲӘР
Қарақалпақша
ат. Жылдың төрт мәўсиминин бири (март, апрель, май айлары).
Бәҳәр айы болды (Қ.Айымбетов).
Сол жылдың бәҳәри қатты суўық болып, халық егин еге алмапты (Қ.Айымбетов).
Ерте бәҳәр айының жақтылы түни (А.Бекимбетов).
0 Бәҳәрге салым — бәҳәрдиң басланып киятырған ўақты.
Бул шаланлы ултаннан адамлар бәҳәрге салым қалийма балықты қырып алған еди (А.Бегимов).
Бәҳәр леби — бәҳәр айындағы жағымлы самал.
Есер, есер бәҳәр леби, Сағынды ма екен мени (Ш.Мәмбетмуратов).
Еритип леби бәҳәрдиң, Қыс қурсағы, босанды (К.Султанов).
Бахыт бәҳәри — қуўаныш, шадлы турмыс, жайнап-жаснап жасаў.
Туўысқан өзбектиң даңқлы шәҳәри, Қойнында нур шашқан бахыт бәҳәри (Т.Сейтжанов).
Бәҳәр паслы — Қыс паслының тамам болыўы менен ҳаўа райының жыллы болыўы, бәҳәрдиң болыўы.
... Бәҳәрдиң паслында ис қызса қайнап, Таўдан қырман ел абадан гүз (Ж.Аймурзаев).
Бәҳәр яңлы — жарқыраған, ашық, гөз