БӨЛИНИЎ
Қарақалпақша
ф. Тутас нәрсениң екиге ямаса бир нешеге таралыўы, бөлшеклениўи, топарласыўы.
Жолбарыс еки бөлинип аўдарылып түседи (ққ.х.е.).
Төрт бөлинип он-оннан, жаў болып бағқа тийеди («Қырқ қыз»).
2. Шақапланыў, айырылыў.
Толықсып аққан суў бәҳәрде, жазда кенарына сыймай, еки жағасынан асырылып ағып, тармақ-тармақ бир неше өзеклерге бөлинеди (К.Султанов).
3. Тоқталыў, иркилиў, тоқтап қалыў, бурылыў.
Сөз кесилди, бөлинди дыққат, Екеўи де турды жылдам (И.Юсупов).
Бирақ, мийи пүтин, ойы басқа жақларға бөлинбекте (Ө.Айжанов).
0 Уйқысы бөлиниў — ояныў, түргелиў.
Ол Шолпанның уйқысы бөлингенин оның еки қабатлығынан ғой деп қалады (Г.Есемуратов).
Шек бөлиниў — ҳәр бир адамға айырып бөлип бериў, пайын бериў.
Қыдырға қарағанда Ақылбек уқыплы ҳәм шаққан, шек бөлиниўден тек ойып кетти де, Қыдыр дәнде қалып қойды (С.Хожаниязов).
Қақ бөлиниў - еки жаққа айырылыў, бөлинип түсиў.
Қақ бөлинип геллеси, Еки көзи парта шығады («Қырқ қыз»).