ЕЛЕС
Қарақалпақша
ат. 1. Булдыр, елес, сәўле, сағым, билинер-билинбес, көринер-көринбес, болар-болмас, емески.
Таўдан түсип киятырғанда көзине узақган бир елес көринди («Алпамыс»).
2. Қыял, әрман.
Өткендеги бир умытылған елеслер қайта «тирилип» көз алдымнан өте берди,... (К.Смамутов).
0 Өмир елес — тиришиликтиң айнасы, сәўлеси.
Төсекке киргеннен кейин өткен өмирдиң елеси көп ўақытқа шекем көз алдымнан кетпеди (Ж.Аймурзаев).
ЕЛЕС-ЕЛЕС а) алыстан бир нәрсениң булдырланып көриниўи, емески көриниў.
Елес-елес алдында, Бабаны көзи шалады («Мәспатша»); б) бир нәрсениң сәўлелениўи.
...оның өткендеги өмири көзиниң алдынан елес-елес өтти (Қ.Айымбетов).
ЕЛЕС-ҚАПАС бир нәрсени билдирмей ислептаслаў, болдырыў, питкериў, ислеў.
...Айқыз Саятханның жәрдеми менен елес-қапаста бир кишкентайлаў қайыққа минип, көлге қарай зып берди (А.Бегимов).