ЖҮЗ I
Қарақалпақша
сан.
1. Он онлықтан қуралған санақ сан ҳәм сол санды билдиретуғын 100 цифрының аты.
Дәметкен күнине еки жүз килограмм пахта тереди.
2. аўыс. Көп, қайта-қайта.
Усы саўалды маған жүз рет бергеншығарсың? Жүз басы — Хийўа ханлығының дәўиринде жүз атлы әскердиң басшысы.
ат. Бет.
Сыртыңнан емес, жүзиңе ол хабарды айтаман («Қырқ қыз»).
Аллабергенниң ашыўы жүзине шығып кетти (Ж.Аймурзаев).
Жүз шайысыў — бир-бирине аўыр сөзлер айтып кейисиў, мәлеллесиў, жәнжеллесиў.
Жүзи жайнаў — түр-түсинде қуўаныш сезимлери пайда болыў.
Еки жүзли — турақсыз, жағымназ.
Жүз бериў — басланыў, пайда болыў.