КӨГЕРИЎ II
Қарақалпақша
ф. 1. Адамның қаны қашыўы, денесиниң өзгериўи, бозарыўы.
Уғыл кемпир турған жеринде селк етип, ушып түсип, көзлери аларып, бет-аўзы көгерди (А.Бекимбетов).
- Балаңыз жуўырып жүрип бирден көгерип қатып қалмай ма? — деди усы Қудыяр ертеңине (М.Нызанов).
2. Қандай да бир заттың бузылыўы, түсиниң көгис түрге енип баз басыўы, бүлиниўи, шириўи, базласыўы.
3. дин. Кейиўдин, сөгистиң, ғарғыстың бир түри.
Көсеўиңиз көгермегири Неге бунша мени күйдиресең, — деди кемпир (Б.Кербабаев).
4. Денениң бир нәрсениң тийиўи, урылыўи ҳәм урыўынын нәтийжесинде көк түске айналыўы, көк түске ениўи.
Сыр дәстениң тийген жери көгерип адам қарағысыз болып калды (Н.Дәўкараев).
Бет-аўзың көгерген, үсти-басың жыртылған (М.Нызанов).