КӨЛИК
Қарақалпақша
ат. 1. Бурынлары үй ҳайўанларын да (ешек, өгиз, жылқы, ғашыр, түйе ҳәм т.б.) жол қатнас қуралы ретинде «көлик» деп атаған.
... көлик тапқан көшеди, көлик таппаған журтта қалады деген даўырық сөзлер шықты (Қ.Айымбетов).
Баба атқа минип, көлик тапқан кисидей қуўанып, аўылына қарап ат салды («Мәспатша»).
2. Жолаўшыларды бир жерден екинши жерғе жеткеретуғын транспорт (велосипед, мотоңикл, мопед, катер, баржа, машина, трактор, самолёт ҳәм т.б.).
Мотоңикл деген үлкен көлик ғой, онын несин айтасаң, — деди олар ғаўырласып (Қ.Айымбетов).
Арасында ана емлеўханадан мына емлеўханаға медикамент апарыў, районлардағы қатты болып қалған наўқасларға «тез жәрдем» хызметин көрсетиў, кулласы, универсал көлик болды.
Әне, сонда билинди бул машынлардың әззилиги (М.Нызанов).