НЫҚ
Қарақалпақша
кел. 1. Мықты, беккем, берик.
2. Тығыз, нығыз.
Мойны куйып қойғандай, дуғыжым, нық, еки ийни теп-тең, булшық етлери бөлек-бөлек, палўан тамырлары сирескен, гилт-гилт қозғалады (Т.Қайыпбергенов).
ф. Нық басыў — жай, асықпай, исенимли, берик басыў.
Сийрек сақаллы, бийдай реңли, кишкене қысық көзли, сол омыраўында бир нәрсе бар сыяқлы ма, қалай, яғный жай басады, жай басса да нық басады (Ө.Айжанов).
Нық дослық — шын, хақыйқат, айнымас дослық.
Сениң атың — нық дослықтың символы, Кумар етип тилге алмас ким оны, Жаслайымнан жигериме бөленген, Жүрегимде атың менен жыр болып (Т.Сейтжанов).
Нық муҳаббат — шын, ҳақыйқат, берилген муҳаббат.
Нық муҳаббат жүрекке Эльбрустай орнасын (Т.Сейтжанов).
Нық толыў — тығызланыў, нығызланыў.
Нық таслаў — жай, асықпай нық басып жүриў, Адымларын нық таслап жүрди.