ОТЫНШЫ
Қарақалпақша
ат. Отын таярлаўшы, отын шабыўшы, отын тасыўшы.
Отыншылардың әңгимесин тыңдай бережақ еди, олар алыслап кетти (Т.Қайыпбергенов).
Тоқпан отыншының баласыман (М.Нызанов).
Отыншылар емес пе екен? — деди Мәтеке ғарры.
(К.Султанов).
Нанбайлар, қассаплар, отыншылар, көншилер, бөзшилер отыратуғын тар ҳәм дығырығы мол көшелердиң пәскелтек етип ылайдан салынған ямаса шөпкерден тикленип иши-сырты топан ылай менен сыбалған үйлер арасынан өтип арқаға қарай тартылған қысқа жолға шықты (К.Кәримов).