САЗ I
Қарақалпақша
ат. (п.
— музыка әсбабы).
Музыка, шертилетуғын нама.
Қартайғанда саз үйренип, ақыретте шертесең бе? (ққ.х.н.).
Қолында тилла сазыңды, ат көтермес назынды («Алпамыс»).
Халық неге шебер болса, бәри исленди: Қобыз ба, доңызқабақ па, дуўтар ма, домбыра ма, сырнай ма, үшпелек пе, баламан ба... — барлық саз әсбаплары жандады (Т.Қайыпбергенов).
ат. Топырақтың қатты ылай истеўге қолайлы түри, соға.
Жүннен тоқылған қапқа өңменин созып, қапталында саз ылайдан үшпелек соғып отырған баласына жекиринди (К.Султанов).
Ырысқул бийдиң түни менен уйқыламағаны, шеке тамырлары шертилип, маңлай жыйрықлары жүдә майдаланып, саз қайырдың жарығындай айғыз-айғыз болып кетти (Т.Қайыпбергенов).