САЗЛАЎ
Қарақалпақша
фей.
1. Таяр етиў, таярлаў, тайын турыў, безеў.
Мурат шайық бул хабарды Қоңырат урыўына тез жеткириў ушын атларды сазлаўды атқосшысына тапсырды (Т.Қайыпбергенов).
Балықшылар геўгим түсиўден-ақ қорғасын аў, қайықларын сазлайды (К.Султанов).
Қос-қос гилем тутып сазлаған үйлер, Бәри пахтакештиң бахтынан сөйлер (И.Юсупов).
2. аўыс. Баплаў, пәнт бериў.
Сазлайман деп сөз берди, Душпанлық жайлап ишин (Б.Қайыпназаров).