САҒАЛ
Қарақалпақша
ат. 1. Ийт туқымлас, жабайы жыртқыш хайўан.
Түнге қарай қарақулақ, сағаллар аўылдың тап иргесинде улыйтуғын болып кетти (Т.Қайыпбергенов).
Пышықкөрсең, шықылықлап жүргениң, Қайсы үйдиң ийти — бәрин билесең.
Кимниң таўығына сағал келгенин, Айтып, дәрҳал сен ахбарот бересең (И.Юсупов).
Көрсең, билсең атамыздан хабар бер, Таў жайлаған карсақ, сағал, түлкилер («Мәспатша»).
2. аўыс. Жаман, пәс нийетли адам.
— Ооҳ, Хийўаның сағаллары! — деди болғаны (Т.Қайыпбергенов).
0 Сағал аяққа шығарыў — жаманатлы етиў, абырайын төгиў.
Аш-жалаңашлар ақ отаўлылардан қасқырды көргендей жыйырылса да, төрди зорлар алып, жалаңаяқты сағал аяққа шығарды (К.Султанов).