СИҢЛИ
Қарақалпақша
ат. 1. Туўыскан қызлардың кишиси.
Жалғыз сиңлиң Палзада менен жигитке таласыўға уялмайсыз ба? (К.Султанов).
Периханның аўылға тән кийимлери, бүкирейип қапшық арқалағаны болмаса, олар ҳақыйқатында да, анасы менен қызына емес, әжапасы менен сиңлисине усайтуғын еди (Т.Қайыпбергенов).
Әкең бул ислерди билее сиңлиңди аяп қоймайды (К.Кәримов).
2. Өзинен кишкене ҳаял-қызларға қарата айтылатуғын сөз.
— Несип айдап, дуз тартып, сен апалы мен сиңлили болдым (К.Султанов).
Апа, сиңли, қарындаслар жанажан, Кутлы болсын шадды байрамың, қызлар, Сәлем сизге мәрт жигитлер атынан, Тағы да табысқа сайланың, қызлар (И.Юсупов).
Сен қарақалпақтың хакыйқый бир азаматын излеп келип соның ҳүрмети ушын елине хызмет етип жүр екенсең, ел сыйлап келгениң ушын рахмет, сиңлим.
(Т.Қайыпбергенов).