ТЕРИС
Қарақалпақша
кел. 1. Қате, надурыс.
Өмирбекке мәселениң жайын терис түсиндирипти (ққ.х.н.).
2. Оң емес, шеп.
Кәл бала асығыста көйлегиң терис киипти (ққ.х.н.).
0 Терис пәтиа — дин. с. ғарғыс, нәлет айтыў, ески дини әдет бойынша қолды терис айландырып жайыў.
Терис бутақ — а) Теректиң тарбайып өскен зиян бутағы.
б) аўыс. Шеп минез, тик минез.
Терис бутақ көрсең көз бенен, Дүзетпей оны тез бенен (А.Дабылов).
Терис қараў — жаратпаў, унатпаў.
Есберген тоңқылдап терис қарады (К.Султанов).
Терис айлану — а) жақсырмаў, унатпаў.
Сөзим жанына түрпидей тийсе керек, пишини гүңгирт тартып терис айланды (К.Смағутов).
б) шебине, керисине, артына, кейине айлану.
Терис аяқ — терис минез, тик минез, терис жоңқа.
Терис қайтқан — жолдан шыққан, бузақы.
Тарт қолыңды терис қайтқан, Пириңмен деп едиң озалдан («Мәспатша»).
Териси қалың — уятсыз, арсыз.
Териси жуқа — өкпелегиш.
Терисине сабан тығыў - қатты жазалаў, азап бериў.
Терисине сыймаў — а) қатты ашуланыў, ызаланыў.
б) мақтаныў.
Терис минез — өжет, қайсар.
Терис әўен — сыртқы дәлиз.