ҚАТАР I
Қарақалпақша
ат. 1. Замандас, жастас, теңес, қурдас, қатар-қурбы.
Қатарынан кем болмай, Ашылғай балам гүл бақтың (ққ.х.қ.).
Қыз-келиншек келсе бир өзиң бәхәр, Қатар жигитлерге қылмадың азар (Омар).
2. Көпшилик, топар.
Қатардан жақсы келиң бар, Төрт түлик малың бар (Бердақ).
Қатарынан артқан ақылы ойы, Сәрүидей келискен рәўишти бойы (Әжинияз).
3. Затлардың, нәрселердиң тәртип пенен дизилген рети, тигисти орны, қатары.
Жолдың еки бойы ғаз қатар егилген терек (Т.Қайыпбергенов).
Қызық турмыс, жаңа қоныс, әне жап, Қатар дүзеп бағдар еккен сайма-сай (С.Нурымбетов).
4. Дизбек, тәртип.