ӨКПЕ II
Қарақалпақша
ат. Гийне, ыза, рениш.
Мениң онда ҳеш қандай өкпем, шақсыятлығым жоқ (А.Бекимбетов).
Он жети күн той берди, Жаным деп атлы келмеди, Атам деп мүше бермеди, Буннан өкпем бар еди («Қоблан»).
Өкпе-гийне — ыза, ашыў, қапа болыў.
Суўпы-ийшан өкпе-гийнени тасла, Мазалы сөзиң болса басла («Мәспатша»).
Бирақ билип турып билқастан айтпады деген өкпе-гийнеге қалмасақ болды (Ө.Хожаниязов).
Өкпеси қара қазандай болыў — қатты өкпелеў, ызаланыў.