WÁDE
Qaraqalpaqsha
at. Birewge berilgen ıqrar, shárt, isenim, ant.
Wáde boyınsha qaskır erteńine aylanıp kelipti (Q.Ayımbetov).
0 Wáde beriw — wádelesiw, kelisiw.
Sóz berdi jigitler, uáde berdi, alǵa júriwin dawam etti (Q.Ermanov).
Wáde baylasıw — kelisiw, shártlesiw, sheshimge keliw.
Jańa jerge barıwǵa jigitler wáde baylastı (T.Nájimov).
Wádeden tayıw — sózinde turmadı, shártin buzdı, aynıw.
Ol xá demey-ak, uádeden taydı.
Wáde etti — wádelesiw, kelisiw.
Ol usı jerge kelmewge uáde etti.
Wádege opasız — wáde buzıwshılıq, sázinde turmawshılıq.