AZAN
Qaraqalpaqsha
at. 1. Tań atar mezgil, erte waqıt.
Allambergen aǵa azanǵı chaydı iship otırǵanda men de kirip barǵan edim (J.Aymurzaev).
Azanǵı shıq penen aq pishendi sáskege shekem orıp qaytadı (K.Sultanov).
2. din. Elattı namazǵa shaqırǵanda yamasa tuwılǵan nárestege at qoyǵanda aytılatuǵın namazdıń kirispe bólimi.
— Azan aytıp Alla dep, Erteli kesh baqırar («Er Ziywar»).
Mázin namazsham namazınıń azanın jańa ǵana ayttı (L.N.Tolstoy).