at. din. 1. 18 mıń álemdi, Qıyamet-qayımdı jaratıwshı Quday, qúdiret iyesi, dúnyanıń payda bolıwında hám onıń ómir súriwinde qúdiretke iye.
Al, dese xosh bolar kewli mollanıń, ber dese tárk eter hámirin amanıń (K.Sultanov).
Urıs bolǵan jerler bizden zıyat pa?! Apatlardan bizdi Allam saqlasın.
(G.Dáwletova).
Alla aqıyrın bersin — tilek, Kuday isin ońǵarsın, izi qayırlı bolsın mánisinde.
Alla berdi — nesip etti, buyırdı.
Alla biledi — quday biledi, túsiniksiz, belgisiz, anıq emes.
Allanıń nurı — Kudaydıń pútkil álemge nur, tirishilik beretuǵın qásiyeti.
Alla jarılqasın (yar bolsın) — tilek, Quday qoldasın, járdem etsin, minnetdarshılıq belgisi.