ARAQ
Qaraqalpaqsha
(arab tilinen — ter, puwlanıw) Suw hám etil spirti aralaspasınan tayarlanatuǵın ishimlik, sharap.
Araq iship más bolǵan, Óz-ózine qas bolǵan (A.Begimov).
Kafe toylar edi bunnan tısqarı, Araq boldı sál ǵıyt etse qushqanı, «Júz gramm quy» — sıltawının birewi, Tań azanda tursa sheke qısqanı (J.Xojalepesov).
Bar tapqanın iship júrgen zańǵar bul, Altın menen araq tursa aldında, Oylanbastan shaytan shayın tańlar bul (J.Xojalepesov).