BADÍRAYÍW
Qaraqalpaqsha
f. 1. Kózdi úlkeytip, aǵın alartıp qaraw, tiklep qaraw, bajırayıw, baqırayıw.
Ámetke kózáynek astındaǵı kózin badırayta otırdı (T.Qayıpbergenov).
Aǵasınan bet awdarıp ayıbımızdı nege aytasań degendey Ayshagúl Orınbekke badıraydı (T.Qayıpbergenov).
Qálmenniń túsi óńip kózi badırayıp qaldı (K.Sultanov).
2. Anıq, ayqın, kórnekli, belgili bolıp kóriniw.
Qasları shegirtkeniń sıyraǵınday badırayıp tur (Q.Ayımbetov).