BAJA
Qaraqalpaqsha
at. Apalı-sińlili tuwısqan qızlardıń kúyewleri, sonday-aq, bir urıwdıń qızlarına úylengen jigitler bir-birine baja boladı.
Allamurat degen bajasınıń úyine qıdırıp ketti (J.Aymurzaev).
Ubaydulla menen Dáwletbay biy ekewinin bajalıǵı bar edi (T.Qayıpbergenov).
Bay qızı qazaqtıń kón jegen haqın, Bajası Jumabay bolısqa jaqın (Berdaq).
Íshqır baja — eki jigittiń bir qız ya kelinshek penen jaqındıq etip júriwi.
Mamannıń ıshqır bajası edi ol (T.Qayıpbergenov).