BAZAR
Qaraqalpaqsha
at. 1. Keńislik úlken maydanǵa ornalasqan sawda-satıq islenetuǵın orın, jay.
Azıq-awqat bazarı.
Kiyim-kenshek bazarı.
Mektep bazarı.
Qaraqalpaq bazarǵa barar, bir shayıǵa shabaq alar (qq.x.n.).
Aqmaq sawda eter, bazar ótken soń, biydáwlet nan jeydi haldan ketken soń (qq.x.n.).
Eger erteń bazarǵa mına qozaqtaǵı bózdi toqıp bolsam, satıp nobayıraq etip berermiz (Á.SHamuratov).
2. Ekonomikalıq termin.
Bazar.
Ózbekstan jerinde jetistirilgen miywe-ovoщ ónimlerine dúnya bazarında talap joqarı (gazetadan).
Dáslepki reti jeti jıl aldın Hindstanda tanıstırıldı hám sol bazarǵa mólsherlendi (gazetadan).
Bazar qatnasıqları: Bazar qatnasıqları bazar infrastrukturasız jasay almaydı («Ózbekstan tariyxı»).
Bazar ekonomikası: Bazar ekonomikası tovar-pul qatnasıqlarına tiykarlanǵan hám olarǵa tán ekonomikalıq nızamlar tiykarında háreketke keletuǵın ekonomika («Ózbekstan tariyxı»).
3. awıs. Basın dawǵa, jánjelge, qıyınshılıqqa, awırmanshılıqqa aralastırıw.
Ol waqıtta kúnlikshi, diyqanlar ózin bazarǵa saladı eken (Q.Ayımbetov).
Basımdı bazarǵa salsam, Jalǵız baspaq bolar ma eken? (A.Dabılov).
4. awıs. SHawqımlasıw, duw-duwlasıw, óz ara qızǵın sóylesiw.
Tórge tósek salıp, áńgimeniń bazarın qızdırdı (K.Sultanov).
Annan-mınnan tolıp qaldı, Balıq bazar bolıp qaldı (Q.Ayımbetov).
5. awıs. a) Quwanısh, baxıt, qızıq, waqıt xoshlıq, ómirdiń jaqsı waǵı.
Qız-kelinshek kelse bir óziń bazar, Qatar jigitlerge salmadıń názer (Omar).
Qaytarmaǵıl dostıń kórseń názerin, Qoldan kelse qurgıl shadlıq bazarın (Berdaq).
b) Ómirdiń quwanıshı.
Balalı úy bazar, balasız úy mazar (qq.x.n.).
v) awıs. Unamsız, kelispew, úylespew, jónlespew.
Úydegi esaptı bazardaǵı nırq buzadı (Q.Ayımbetov).
...jalǵız tikenekten baylıq quralmaydı, Qımbat bazarı bir manattıń zatı (M.SHımbergenov).
0 SHar bazar — Úlken bazar.
Uslap alıp shar bazarǵa satarman.
Inshalla baylarman seni,... (Q.Ayımbetov).
Qaytıw bazar — sawdagerlerdiń sawda-satıq islep bolıp bazardıń tarqap atırǵan waqıt, sońı, aqırı.
Qaytıw bazardan alıp qalıń, degendey ortaǵa jeńge salıp, Ziynepke qıysańlaydı (gazetadan).
Qus bazarı — a) quslardı satıp sawda isleytuǵın orın, b) quslardıń jıyılısıp turatuǵın ornı, jayı.
Otlı óris, jasıl qırı malǵa jay, Maqpal kóli qus bazarı jırǵa bay (K.Sultanov).
Íshqı bazarı — muqabbattıń, súyiwshiliktiń, ashıqlıqtıń jolı.
Arqadan samal turǵan, Íshqı bazarın qurǵan («Alpamıs»).
Uyqı bazarı — qattı uyqıǵa ketiw, ház etip uyqılaw.
Kóknar menen kók chayǵa ózi qattıǵa qanıp alǵannan keyin ol uyqı bazarına awıp ketken edi (Q.Dosanov).
Bazarǵa satıw — maldı hám basqa da zatlardı túsiriw, shıǵarıw.
Bazarǵa satsam aparıp, Jalǵız qara bolmaydı Barlıq kórpe-tósegim (A.Dabılov).
Bazarǵa shıǵarıw — Bazarǵa shıǵarıp satıw.
Mol zatların bazarlarǵa shıǵarıp, Alǵanına qaldırmastan satıńlar (J.Aymurzaev).
Qant kópir bazarı — qız-jigitlerdiń otırıspasındaǵı bir-birewine jiberetuǵın túyinshigi, sharshısı, qanttıń kóp bolıp úyiliwi, nobay bolıwı, molshılıq.
Qızıp ótti qant kópirden bazarıń.
Qız bolıp jetilgen waqtıń Tillaxan (S.Nurımbetov).