BALDAQ
Qaraqalpaqsha
at. 1. Awırıw yamasa ayaǵı aqsaq adamlardıń qoltıǵına tirep júretuǵın arnawlı tayaǵı.
Qoltıǵına baldaq alıp, bir-eki adım atlaytuǵın boldı (A.Bekimbetov).
Men baldaǵımdı esik bettegi keregege súyedim de, tósektiń ústine shıqtım (Ó.Xojaniyazov).
Jartas qalqan boldı, aǵashlar baldaq, Alǵa jıljıy berdi jaralı shayır (I.YUsupov).
2. Qılıshtıń, mıltıqtıń yamasa qanjardıń sabınıń uslaytuǵın jeri.
Aq suńqardı qanatınan qayırdıń, Keskir qılıshtı baldaǵınan mayırdıń («Alpamıs»).
3. Ósimliklerdiń túp beti, túbinen japıraqqa shekemgi aralıǵı.
Úlken japıraqlardıń baldaqlarına hám jas shaqalarǵa da zıyan keltiredi (A.Djalmenov, P.T.Karpov).
4. Qusshılar búrkitti qolına qondırǵanda qolınıń astınan tireytuǵın tirewish aǵash.
Qusshı da baldaǵın qoltıǵına tirep, toǵay arasına kirip ketti, ... (gazetadan).