BASQUR
Qaraqalpaqsha
at. qara úydiń ishinen aylandırıp orap qoyatuǵın, enli etip naǵıslap toqılǵan zat.
eki basqurdıń ortasında murınnıń qanınday qıp-qızıl dizbe uwıqları biriktirip tur (s.xojaniyazov).
júkti basqurdan asırıp jıynaǵan (ǵ.izimbetov).
♦ aq basqur, qızıl basqur — basqurdıń túrleri.
endigisi qara úydiń aq basqurı qızılbasqurdıń erisi (b.bekniyazova).
onnan tómen aq basqur, onnan tómen qızıl basqur (s.xojaniyazov)