BATÍL II
Qaraqalpaqsha
kel. Paydalanıwdan qalǵan, iske aspaw, jaramsız, jaramaytuǵın.
Ol da on kúnnen keyin batıl bolıp qaldı (J.Aymurzaev).
Ayımjamal batıl bolıp qalǵan qulaqtı asha basladı (Ó.Xojaniyazov).
Salmalardı shóp basıp batıl bolıp qalǵan (Q.Dosanov).
Dártindi sóyletpe maǵan, Batıl edi barlıq saǵan (I.YUsupov).
0 Batıl qılıw — jaramsız qılıw, iske astırmaw, boldırmaw, qarsı shıǵıw.
Qáhárlenip belin buwdı, Batıl qıldı aqqan suwdı (Berdaq).