BAǴÍBOSTAN
Qaraqalpaqsha
at. 1. Baǵ egilgen keńislik jerler.
Bir baǵı-bostannıń ústine shıqtı («Máspatsha»).
Jolawshı kárwan ol jurttan bul jurttan kiyatırıp túsip, qonıp ótetuǵın mákanlı jeri baǵı-bostan sarhawız bar edi («Alpamıs»).
2. Ómirdiń, tirishiliktiń, turmıstıń jaqsılanıwı, gúlleniwi.
Kún-kúnge aylandıń baǵı-bostanǵa, Tolıq jazsam sıymas edi dástanǵa (D.Qasımov).
Baǵı-bostan nur quyashta, Jeńis taptıń Watan xalqı, Dáwletli baǵımnıń baǵı-bostanı (S.Nurımbetov).