BELGISIZ
Qaraqalpaqsha
kel. 1. Belgisi joq, anıq emes.
Nege ekeni belgisiz búgin ol kóldiń etegine qóbirek qaraydı (Ó.Ayjanov).
... kimge baǵıshlanǵanı bizlerge belgisiz jumbaq boldı (Á.SHamuratov).
2. Xabarsız, námálim, dereksiz, tayınsız.
Atajannıń qashan keletuǵını belgisiz (T.Qayıpbergenov).
3. Túp deregi belgili emes adam.
Írasında da, bul belgisiz adam kim eken, jáne usı tereklerdi dóń basına shanshıp tárbiyalaǵanda onıń qanday oy-ármanı boldı eken? (SH.Aytmatov).
Ne qıların bilmey qız tar kósheniń oyaq-buyaǵına jaltań-jaltań qarap kiyatırǵanı da sol eken, aldınan belgisiz birew qaq ete qaldı (A.Begimov).