BIYIKLIK
Qaraqalpaqsha
at. 1. Bir nárseniń boyı, uzınlıǵı, tik boyı.
Ol sonshama biyiklikten sekirip tússe de, awırǵan ya bolmasa ayaǵına túskende óz salmaǵsh da sezbedi (S.Saliev).
Ján-jaqqa serlep qarasa, Biyikligi ǵaw eken, Adamnıń belli jawı eken («Máspatsha»).
2. Hawalı, joqarı, shıń.
Biyikligin qarasań, Ushqan quslar ótpestey («Qırq qız»).
3. awıs. Bahalılıq, qunlılıq, ósiwshilik, rawajlanıwshılıq.
SHıǵarmanıń tásir etiwshilik kúshi anaǵurlım biyiklikke kóterildi (G.Esemuratov).