BILET
Qaraqalpaqsha
at. 1. Belgili bir shólkemniń aǵzası ekenligin tastıyıqlaytuǵın xújjet.
Kapitan Qılıshevtıń kolxoz dáptershesin, biletin, bir-eki spravkaların birme-bir ashıp oqıp kórdi (A.Bekimbetov).
Partiya bileti bawırında, Batırlıq yosh berdi me (K.Sultanov).
2. Transport túrlerinen paydalanıwǵa haqılı, erkli ekenligin bildiretuǵın, dálilleytuǵın hújjet qaǵaz.
Sarras eken temir jolı, Metroda adam tolı, Otız tiyin bilet pulı, Hár mingende berip keldim (A.Dabılov).
3. Teatr, kinoteatrǵa kirip tamashalaw ushın beriletuǵın qaǵaz.
Men de aldım, sol seansqa bilet te túwesildi (SH.Seytov).
4. Áskeriy bilet.
Áskeriy hújjet.
— Durıs, atlarǵa házir de áskeriy bilet berilip atır (SH.Seytov).