BOZLAW
Qaraqalpaqsha
f. 1. Ókirip jılaw, eńirep jılaw.
Qızdıń sıńsıp bozlap jılaǵan ashshı dawısı shıqtı (K.Sultanov).
— Ata, háy ata! — qız usını aytsh buwlıǵıp, bozlap, eńirep jiberdi (K.Sultanov).
2. Botası ólgen túyeniń qayǵılanıwı, qıynalıwı, bozlawı.
Bozlaǵan nardan ayırıp, Botanı qıldı bir basqa (Berdaq).
Botası ólgen túyedey, Quw dalada bozladı («Qırq qız»).
Botalaǵın joǵaltqan narday bozlaǵan dawısın júregimdi jardı ǵoy, — dedi Qádirbay ishke kirip bosaǵada turıp, ...(A.Bekimbetov).