BOYAW II
Qaraqalpaqsha
f. Bir nárseni basqa túrge aylandırıw, kórkemlew, naǵıslaw, sırlaw.
Ol awılǵa aralasqanda, quyash batıwǵa meyillenip, batıstı qızılǵa boyap jibergen waqıt edi (T.Qayıpbergenov).
... aynalardıń hámmesin tez boyap boldı (gazetadan).
2. awıs. Óltire sabaw, barlıq jerinen qan shıqqansha qattı sabaw.
Jaqsı adam jaǵar shiyrin janıńa, Jaman adam boyar qızıl qanına (Berdaq).
Birewin óz qanına ózin boyap, taǵı ilgeriledik (Ó.Xojaniyazov).
0 Kóz boyaw — aldaw, jógisirew.
... xalıqtıń kózin boyap, is júzinde túrli xaramı buzaqıshılıqlar isleytuǵın dúmshe moldalardı kóriwge boladı (gazetadan).
— Siz bunı qalay aman alıp shıqtıńız? — depti patsha.
— Bul kóz boyaushı! — dep shuwlasıptı xalıq (M.Nızanov).
Jerdi boyaw — jerden kóktiń jasarıp shıǵıwı, kóklewi.
Jasıl túske jerdi boyap, Júrdi báhár ayday kórik (I.YUsupov).
Kórkem boyaw - shıǵarmanı obrazdı etip dóretiw, payda etiw.
Solay da avtor sawash maydanına xarakterli kórkem boyaudı óz aldına beredi (G.Esemuratov).
Boyawı bos — juwas, ıńǵayı bos, álpayım.
Dármenbay kútá boyawı bos adam (T.Qayıpbergenov).