BURÍLÍW
Qaraqalpaqsha
f. 1. Belgili bir tárepke baǵıtlaw, bet alıw, baǵdarlaw.
... nurlı kózleri menen onıń qúdiretli sımbatın uzatıp ekinshi kóshege burıldı (A.Bekimbetov).
Ayaǵın ǵaz-ǵaz basıp terezeni úsh ret shertti de, esikke qaray burıldı ... (T.Qayıpbergenov).
2. Burıla qaraw, aylanıp qaraw, qayırılıw.
Ol keynine burılıp bir hádiyseni gúrriń ete basladı (S.Xojaniyazov).
Hayal anda-sanda burılıp qaraydı (N.Dáuqaraev).
3. Ózgeriw, aynıw, basqasha bolıw.
Ol jigittiń basındaǵı bul oydı tarqatpasa istiń beti basqa jaqqa burılıwına sóz joq dep oyladı (Ó.Ayjanov).
Mına hádiyseden keyin onıń beti basqa jaqqa pútkilley burıldı (Ó.Ayjanov).