GILEM
Qaraqalpaqsha
at. 1. Tósek etip edenge tósew yamasa diywalǵa qaǵıw ushın naǵıslanıp, júnnen hám basqa da materialdan toqılǵan bir jaǵı túkli buyım, kóbinese segiz qırlı gúl, qosmúyiz, úshmúyesh, atanaq naǵısı qollanıladı.
Gilem satsań qońsıńa sat, bir shetinde óziń otırarsań (qq.x.n.m.).
Gilemlerdi tósetip, jayınıń ishin jaynattı («Qırq qız»).
SHákirtler kóp ustaz tutıp ergenler, Sózden ǵalı gilem toqıǵan jerde (T.Jumamuratov).
2. awıs. poez.
Jer betin qaplap alǵan maysa yaki gúl.
Jamılǵay jasıl gilem dalalarımız, Uwayım shekpegey analarımız (G.Dáwletova).
3. sp.
Gúreste tóseletuǵın sport ánjamı: tatami.
Gilemde awırlıǵı jeńil palwanlar gúres túspekte.
0 Gilem quraq — Naǵıslı quraqtıń bir túri.
Ushar gilem — Barlıq xalıqlar erteklerinde ushırasadı.