GRUPPA
Qaraqalpaqsha
at. Házirgi payıtta kóbinese topar dep paydalanıp atır.
1. Bir topar adam, toda.
Bulardıń bir gruppasın baskarıp Andreev ketti.
2. Maqset, baǵdarı, is-xáreketi hám sonday ulıwmalıq tiykarında payda bolǵan rásmiy yaki rásmiy emes topar.
Tekseriwshiler gruppası, Ilimiy gruppa.
3. Ulıwma belgi, qásiyetine iye bolǵan bir túrdegi nárse, xádiyseler jıynaǵı.
Juldızlar gruppası, sút emiziwshiler gruppası.
4. Sabaq, lektsiya ótkeriw maqsetinde birlestirilgen talabalar toparı.
Huqıqıy bilimlerdi iyelew gruppası.
5. qatlam, kategoriya; dáreje.
Birinshi gruppa mayıbı.
6. lingv.
a).
Tildiń fonetikalıq, sintaksislik hám semantikalıq bólingen birligi.
Akńentlik gruppa — bir pátke birlesken sózler toparı.
Ritmikalıq gruppa — bir qansha sozılımlı sintaksislik pútinniń ritmikalıq qurılısı tiykarında bólinip shıǵatuǵın gruppa; b).
Til birlikleriniń semantikalıq, struktuwralıq, etimologiyalıq t.b.
belgilerine qaray birlesiwi.
Assotsiativlik gruppa — formalıq yamasa semantikalıq belgilerine qaray birikken sózler gruppası.
Tematikalıq gruppa — ózleriniń tiykarǵı semantikalıq mazmunınıń jaqınlıǵı jaǵınan birigetuǵın sózler toparı.
Mıs: úlken, iri, náhán; úlkenlik, irilik; úlkeyiw, irileniw t.b.