GÚLZAR
Qaraqalpaqsha
at. 1. Gúl ósirilgen, egilgen jer.
Dáryası asaw tolqınlı, Jer ómir gúlzarı (T.Seytjanov).
Bir baǵman júr eken gúlzar ishinde, Túrli shámenlerden gúldáste jıynap... (K.Raxmanov).
2. Hár túrli gúller, ósimlikler ósirilgen maydansha, keńislik.
Háwesim artadı aralap gúlzar, Inám etkil bir gúlindi, Náwbóhár! (B.Sarıbaev).
3. awıs. Jaynap, jadırap turǵan.
Adamdardıń qay minezin aytayın: Kimi gúlzar bolsa, kimisi qardayın (K.Raxmanov).