DAWRÍQ
Qaraqalpaqsha
at. 1. Dańq, ataq.
Dawrıǵın esitiw.
Birde jımlıq, birde dawrıq, Kótermelep birewlerdi (J.Allaniyazovich).
0 Dawrıq taratıw — tanımalı bolıw, hámmege tanılıw.
Dawrıǵı jer jarıw — hámme biliw, tanılıw, áńgime bolıw.
Bir námárt pushayman bolsa isine, Dawrıǵı jer jarar, sıymas ishine (M.Nızanov).
2. Mısh-mısh táp, xabar, shaw-shuw tarqalıw, hawaza, súren.
Attıń yamanını sizlerde kórdim, Dawrıq bolsa bash-bashıǵa qashadı («Áwezxan»).
SHayır bolıw dawrıq salıw jer kókke (K.Raxmanov).
3. Baqırıs, shawqım.
Balalıq — bir salınǵan dawrıq, Gey waqları kókke de sıymas (K.Raxmanov).
Jahansha menen Koyankók, Dawrıq salıp oynadı («Jahansha»).