DAQ II
Qaraqalpaqsha
at. (parsı, qayǵı, hásiret, qapalıq).
1. Awır músiybetten, qayǵıdan kewilde qalǵan ósh, ashıw.
Ana júreginde pitpes daq qaldı (K.Sultanov).
Perzent daǵı júrek-bawırın ezse de, Zapıran jutıp kóz jasların ishse de, Xalqı súyip, satqın doslar bezse de, Saqtın sındırmaǵan Qumar analıq (B.Zivarova).
Arıńa daq keltirer, Árman menen óltirer (T.Jumamuratov).
2. Árman, hásiret.
SHash ta siyrekledi, tústi biraz aq, muńlı júregimde qaldı pitpes daq (B.Sarıbaev).
0 Daǵda qalıw — qanday da bir háreketi, maqseti ámelge aspaǵannan, ármanda qalıw, bir nárseni orınlawǵa úlgermey qalıw.
Kete berdiń, bizdi daǵda qaldırıp, Sum ájeldiń jeteginde ákejan (Aqsholpan Amaniyaz).
Perzent daǵı — perzentten ayırılǵannan keyin kewilde qalǵan qayǵı, árman.
Ketti me, ya perzent daǵı kúydirip? Ayralıq bawrındı ezip ákejan (Aqsholpan Amaniyaz).