DIGIRMAN
Qaraqalpaqsha
at. 1. Ǵálleni, dándi maydalap tartıp un etiwge arnalǵan, arnawlı detallardan ibarat, mexanikalıq (qol menen isleytuǵın, ústi aylanatuǵın, tiselgen eki dóńgelek tastan turadı), suw, samal, elektr energiyası menen isleytuǵın kurılma.
Jel digirman.
Otırma digirman.
Qol digirman.
Keter waqta qol qaqısın sorasa, Úydiń múlki digirmanın soraptı (K.Sultanov).
2. Usınday qurılma turatuǵın jay.
— Digirmanǵa barın kel, un tartılıp atır ma eken, bilip kel, — dedi úy mashqalası menen áwere bolıp júrgen Gúlsara (gazetadan).
3. awıs. Ózinen kúshli pármanı júretuǵın aytqanın orınlata alatuǵın t.b.
Kúshliniń demi digirman tartadı (qq.x.n.m.).
Áńgime súymegen, digirman quradı.
(KQ.X.N.M.).
0 Digirmannan tiri shıǵıw — qár qanday qalattan, jaǵdaydan qutıla alatuǵın, esabın tabatuǵın insanlarǵa aytıladı.
Qol menen baylaǵandı tas penen sheshkendey, Misli digirmannan tiri túskenden (I.YUsupov).
Digirman tası — Ǵálleni, dándi eki dóńgelek tas bir-biri menen súykelisip maydalaytuǵın arnawlı tas.
SHaxzada oylay-oylay: — Digirmannıń tası, — dep juwap beripti (qq.x.e.).