DIYUANA
Qaraqalpaqsha
at. (parsı.
— aqılsız, delbe).
1. Aqıldan azǵan, aqılı pás, delbe.
Diywananıń súyer asın kim bersin (qq.x.n.m.).
2. din. Allanıń márhámatına jetisiw úmitinde zikrge berilip, bul dúnya islerinen waz keshken sufiy; dárwish sıyaklı adam.
Ǵarǵa balası «ǵaq» deydi, Diywana balası «xaq» deydi (qq.x.n.m.).
3. Qayır-sadaqa menen kún kóriwshi; gedey, tilenshi.
Diywana tentirese, SHayıq el aralaydı (qq.x.n.m.).
Diywana jeti esikke barsa beti ashılar (qq.x.n.m.).
Óziń diywanasań, kimge pir bolasan (qq.x.n.m.).
Ziywar aytar, jurtsız elsiz, Adam bir diywana megzer (Ájiniyaz).
Diywanaǵa gúnji de bolsa jaraydı (qq.x.n.m.).
4. awıs. Qanday da bir maqset, háreketke tolıq berilip, es-xuwshınan ayırılǵan.
Muhabbat ıshqında diywana bolıw.
Bir yardıń jolında diywana bolıp, YAr qolınan búlbilgóyanı alıp («Xurliqa-Hámre»).