DIRILDEW
Qaraqalpaqsha
f. 1. Suwıqqa tońıp qalshıldaw, zirildew, titirew.
Denesi dirildew.
Usı kisi esine tússe, Jumagúldiń denesi dirildep, geyde túsinde hawlıǵıp shıǵatuǵın edi (T.Qayıpbergenov).
2. Bir nárseden qorqıp qaltıraw.
Baylar qashtı telpekleri dirildep, Qızıl kúshke bardash bermey zirildep (I.YUsupov).
3. Qaltırap shıǵıw, qaltırap esitiliw.
Sársenbay dawısı dirildep jılamsıradı (T.Qayıpbergenov).
4. Silkiniw, titirew, qaltıraw.
Júregi dirildew.
Jasırmayın tásirinen sezimniń, Júregimniń ketkenligin dirildep (Aqsholpan Amaniyaz).