DIŃGEK
Qaraqalpaqsha
at. 1. Júwerini shımshıqtan, ǵarǵadan qorıw maqsatında ústinde saqpan atıwǵa, palaqpan urıwǵa beyimlesetuǵın, ılaydan salınǵan dúmpeshik.
Atızlap júweri ekken diyqanlar atızdıń bir shetine biyikligi bir metr átirapında ılay dińgek soǵadı, sol dińgekke minip gá palaqpan, gá saqpan atıp egindi quslardan qorǵaydı (M.Nızanov).
2. Biyik, tóbe.
Gúzdiń aqırına kelip, kósemniń tulǵası turǵan dińgek qolǵa alındı (M.Nızanov).