DORBA
Qaraqalpaqsha
at. 1. Attıń, eshektiń ám ǵashırdıń tumsıǵın tıǵıp, basına ildiretuǵın, jem salıwǵa arnalǵan, kóbinese júnnen toqılıp, baw taǵılǵan kishkene qaltasha.
Maqpaldan saylap dorba ildim, Jemińdi kishken kem berdim, Haywan da bolsań eneǵar, Óz basıma teńgerdim («Alpamıs»).
2. Qurǵaq tamaq yamasa ár túrli mayda-shúyde zatlar salıwǵa arnalǵan qapshıq, qaltasha.
Qap ta teń, dorba da teń (qq.x.n.m.).
Dorbańda er basına qıstırılǵan, Jem emes, kitap júrdi bar waǵıńda (I.YUsupov).