DÚRRE
Qaraqalpaqsha
at. (parsı.
Qayıs qamshı).
1. XX ásir baslarına deyin Túrkistandaǵı xanlıqlarda dene jazasına húkim etilgenlerdi jazalaw ushın qollanılatın qamshınıń bir túri.
2. Mal terisinen jińishke etip tilip órilgen qamshı.
Abaysızda balanı dúrre menen berip jiberdi (qq.x.e.).
— «Toǵız dúrre urılsın!», — depti hákim oylanbastan (T.Qayıpbergenov).
3. SHarshıdan, súlgiden hám t.b.
esilgen, otırıspada gúnalı, jazalı bolǵanlardı hám de oyınnan utılǵanlardı dálkeklep uratın qamshıǵa megze órilme.
Balalar oyında jeńilgenlerdi gezeklesip, dúrre menen urıp atırǵanda ǵarrılar kelip qaldı (gazetadan).
4. awıs. Kúsh, qural, baylanıs mánisinde.
Eger jáne tákirarlasańız, dúrre menen pisirtip otırmaymın, deneńizdi pıt-shıt qılıp daǵıttıramın! (T.Qayıpbergenov).