EZIW II
Qaraqalpaqsha
f. 1. Qıynaw, azaplaw, jábirlew.
Sorlı ol ezip xalıqtı, Saldı xám nobay salıqtı (Berdaq).
2. Buwındırıw, tunshıqtırıw, qısıw, mıjıw.
Malǵa satıp alǵan náushe qızlardı, Tunshıqtırıp ezgen sárwi nazlardı (S.Nurımbetov).
3. Maydalaw, usaklaw, qıyqımlaw, untalaw, bóleklew.
Ortadaǵı tamnıń pátigine bekkemlengen baqannıń keń shuqırında gúnjini ezip, mayın shıǵarıp tur (B.Bekniyazova).
4. Qattı nárseni suyıq nársege aylandırıw, mıjıw, sıǵıw, mıjǵılaw.
Dáweke bir kúni kóknarın ezip, chay iship yoshlanıp, otqa taplanıp, qızara bórtip, paynekke qashıp otırǵanda bir oy sap ete qaldı (Q.Ayımbetov).
5. awıs. Sóyley beriw, bir aytqanın qayta-qayta ayta beriw, kópiriw.
Qayta-qayta bir soraǵanın ezip, is buyırǵan adamnıń ózin sharshatadı (T.Qayıpbergenov).
Tumsıq eziw — urıw, uwqalaw.
Qara mushlar tumsıq ezip, Bul kúnińnen óziń bezip (J.Aymurzaev).
Júrek eziw — jábirleniw.
Jaslay júregimdi ezgen joqshılıq kóp waqıt maǵan joldas boldı (J.Aymurzaev).
Bawır eziw — azaplanıw.
Men joqedim, qıyanat bawırıńdı ezgende (T.Seytjanov).
Moyının eziw — alqımın qısıw, mıjıw.
Ezdim moyının iyzelep, Tıqtım qumǵa basların (T.Ábdiraman).