ENIW
Qaraqalpaqsha
f. Payda bolıw, kiriw, ornıǵıw, biná bolıw, dúnyaǵa keliw, aralasıw.
... oqıwǵa kóp kete basladı, hámme oqıwǵa enip, jumıla atlandı (Q.Irmanov).
Qattıraq júrip úyge keldim de, uyqı kushaǵsha endim,... (Ó.Xojaniyazov).
Sonda xalqım kelgendey-aq janıma, Qızıw ener tamırdaǵı qanıma (I.YUsupov).
0 Túr eniw — ózgeriw, kubılıw, dóniw.
Barlıq adam aqırındap túrgeldi, Júzleri ózgerdi basqa túr endi (J.Aymurzaev).
Túsine eniw — túsinde kóriw, túsine ayan beriw, tús kóriw, uyqılap atırǵanda kóriw.
Ashıq boldım shiyrin janım jolında, Túsime enip ǵayıbana bir batır («Máspatsha»).
Bayaǵı shaqası sınǵan jas emen, Geyde shaqırar onı, túsine ener (I.YUsupov).
Dińke-dárman eniw — kúsh-kuwat kiriw, kúsh kiriw.... bunnan maǵan dińke-dárman engendeyboları (Ó.Xojaniyazov).
Kuwat eniw — kúsh, karıw kiriw.
Tıyılıp kózden jaslarım.
Quwat endi boyıma («Qırq qız»).
Jan eniw — jan kiriw, tiriliw.
...pútkil aǵzasın xáreketke keltiriwdin arkasında SHeripke jan endi (Q.Irmanov).
Aq eniw — aq kiriw, aǵarıw.
Aq enip qalıptı saqal, murt, shashqa, Miynetkeshi usı eken yaranlar (Berdaq).
Esi eniw — aqılına keliw, aqılı tolısıw, erjetiw, boy jetiw.
Endi esiń enetuǵın waqgın jetti (T.Qayıpbergenov).
Gúlleniw — kórkem bolıw, sánge bóleniw.
Gúl ústine guller engen, Altın nurlı jaqtıń tanın (T.Ábdiramanov).
Ájim eniw — jıyrıq eniw, jıyrıq bolıw, beti góneriw.
Júzine ayǵız-ayǵız ájim endi (K.Sultanov).
Ajar eniw — sulıwlanıw, forma ashıw.
Solǵın kelbetine qaytadan ajar endi (K.Sultanov).
SHadlıq eniw — kuwanısh payda bolıw, kewilleniw.
Dáwdin tula bedeni, Erip, zor shadlıq enip (H.Alimjan).
Súyegine eniw — din. Marhumdı juwıwshılardщ qatarına kiriw.
Qatınnıń suyegine eniwge, dámesi bar xár tiyreniń az ǵana jılmaqayları da búlk etken joq (N.Bórekeshov).