ERIW II
Qaraqalpaqsha
f. Bir nárseniń izinen júriw, qalmaw, joldas bolıw.
Qızlar moynın burmaydı, izine eredi (G.Esemuratov).
Usılay júre bereseń be yamasa keynine ereseń be yamasa kewilinde basqa bir oy bar ma? — deydi (Q.Ayımbetov).
...Jiyemurat erip kiyatırǵan aq ayıwday kópek iytke qaradı (A.Bekimbetov).
0 SHuǵıl sózge eriw — inanıw, iseniw.
Túsken jeri taslaq jerdi, shın dep shuǵıl sózge erdi («Máspatsha»).
Aldaw tilge eriw — aldawlıqqa túsiw, iseniw, inanıw.
Eki birdey jan dostım, Berregirek kel dostım, Aldaw tilge erippen (Berdaq).
Kóshke eriw — kóshiwshilerdiń izinen qalmaw, izinen júriw, ilesiw.
Sonıń ushın atalar! Kóshken kóshke erińler (Jiyen jıraw).
Buzaqılıqqa eriw — jaman adamlardıń buzıq sózine iseniw, inanıw, buzılıw.
Men «shın» dostımnıń buzaqılıǵına erip hújdanımnan, adamgersh iligimnen, aǵayin-tuwǵanımnan ayırıldım (A.Bekimbetov).
Dosqa eriw — jaqsı adam menen birge bolıw.
Dushpanındı qoyıp dosqa ereseń, Teńiń menen az kún oynap kúlipseń («Qırq qız»).
Oshaǵanday eriw — jabısıw, qalmaw.
Solay bolsa da Jumagúldiń izine kóp sóz oshaǵanday ere berdi (Ó.Ayjanov).
Ataǵı eriw — laqabı qalmaw.
Mal baqqan ataǵı erip qalmadı, Bizdi sol talapqa qarıydar etti (A.Dabılov).
Súyretki eriw — bir nárseniń ilinip qalmawı, gáp-sóz bolıp júriw.
Bolmasa izińe súyretki eredi (Ó.Xojaniyazov).